In Asiā erat urbs. Urbem Graecī obsēdērunt cēpēruntque. Urbem dēlēvērunt. Sed Aenēās ex urbe fūgit et in Ītaliam migrāre constituit.
Vēnit in partem Italiae. Ibi Latīnus rēx Aborīginēsque agrōs dēfendere parāvērunt. Sed Latīnus pācem cum Aenēā fēcit atque Aeneae Lāvīniam fīliam in mātrimōnium dedit. Trōiānī urbem condidērunt. Deinde Turnus bellum adversus Latīnum Trōiānōsque gessit.
Victī sunt Rutulī, sed victōrēs ducem Latīnum āmīsērunt. Inde Turnus auxilium petiit ab Etrūscīs; illī auxilium Turnō dedērunt. Aenēās Aborīginēs Trōiānōsque sub eōdem iūre atque nōmine habēre constituit, et Latīnōs utramque gentem appellāvit. Ē moenibus in aciem cōpiās dūxit. Etrūscī victī sunt; post pugnam Aenēām invenīre nōn potuērunt.