In pictūrā est poēta, nōmine Gallus. Fāma poētae Gallī est magna: multī Rōmānī Gallum amant, multī Rōmānī Gallum laudant. Quandō Rōmānī Gallum vident, saepe dīcunt: “Ecce! Patria nostra poētās magnōs habet! Ō Galle, sapientiam antīquam laudās, Gallus Rōmānōs dē periculīs ōtiī monēs, tuī librī multa cōnsilia bella et hūmāna habent! Sī dōna Gallī in patriā nostrā sunt, patria valet!”
Ūnō diē, amīcus Gallum in viā videt. Dīcit: “Caesar tē vocat, Ō Galle poēta! Vidēre eum dēbēs!” Poēta Gallus dīcit: “Cūr Caesar mē vocat, Ō amīce?” Amīcus dīcit: “Caesar cōgitat: ‘Poēta Gallus optimus Rōmānōrum est! Eum laudāre dēbeō; age, eum vocā!’ Dēbēs Caesarem sine morā vīdēre.”
Gallus: “Quid est officium meum apud Caesarem, Ō mī amīce? Quid Caesarī dare dēbeō?” Amīcus dīcit: “Caesar quidem magnus patrōnus poētārum est. Dā igitur numerum magnum verbōrum bellōrum dē sapientiā Caesaris! Sī Caesarem laudās, Caesar fortūnam tuam et fāmam augēre dēbet!”
Sed Gallus dīcit: “Fortasse dōna Caesaris nōn bona sunt, Ō amīcī. Minimē! Imperium Caesaris recūsāre dēbeō!”
Repentē, amīcī Caesaris in viā sunt, et Gallum vident: “Age, Ō Galle poēta! Caesar tē vocat: eum vidēre sine morā dēbēs!” Gallus dīcit: “Eheu!”